六月十六日(星期六)

第二朝起身, 天氣一樣的好, 太棒了.

在酒店吃過早餐後, 最出發往西湖玩埋餘下的景點. 先去最近的柳岸聞鶯, 再慢慢行過蘇堤, 中間遇到一個不懂變通的大學生, 跟保安就單車泊位的問題吵起來, 將來畢業出到社會, 肯定有排受…

行到累, 決定搭一搭那些旅遊車, 由雷蜂塔搭到岳山廟, 都係十蚊一個人. 經過印象西湖的拍攝場地, 之後去參觀 Winnie 最想看的曲院風荷, 再行去樓上樓食午飯, 沿途經過武松之墓, 蘇小小墓及秋瑾像. 約兩點九就去到樓上樓, 點知…… 關咗

正當諗住冇 lunch 食之際, 一路向下行, 希望截的士回市區食 lunch. 點知行咗冇耐, 竟然見到另外一間樓上樓的分店, 格局係差 d, 但太累又太肚餓, 屈就吓 食住先啦.

唔叫在樓上樓口啤極差的叫化雞, 只叫了東坡燘肉(9.8), 杭州素雞卷(22), 片兒川(8), 西湖蒓菜湯(25), 可樂(5) 及龍井荼(3)

最出名的東坡肉, 果然名不虛傳, 好食到暈, 真係未食過咁好食的東坡肉. 之後上來的杭州最出名的西湖蒓菜湯, 嚇咗一跳, 點解o個窩湯同杯龍井茶差唔多樣既, 不過飲落, 又真係好正. 總括來說, 樓外樓的食物, 不但無網上口啤寫得咁差, 而且仲可以用個”好”字嚟形容添.

之後繼續行西湖, 走平湖秋月, 在白堤上, 可到很多人放風箏, 有小小的蝴蝶風箏, 也有大大隻, 黑色一”劈”嘢, 但飛唔起的風箏. 再走過埋斷橋殘雪, 對腳已經累到死, 諗住搭的士返酒店休息一會, 的士是很多, 但全客滿, 再加上勁多人等車, 算啦, 行多陣. 行下坐下, 不經不覺已經行到返酒店, 但已經差不多七點了.

抖到七點九, 諗住打的去張生記, bell boy 及的士司機都說張生記太遠了, 建議去附近的酒樓食. 講真, 張生記在郊區, 又真係市咗D既, 就去的士司機建議的新開元. 呢間食店有幾層, 很多人, 很熱鬧, 應該冇介紹錯吧. 去到 RECEPTION, 竟然今日幾層樓都被包哂來做婚宴, 當日不做生意@@. 白白浪費了十蚊的士費, 唯有截過部的士再去張生記.

張生記的路程真的比較遠, 越行越荒涼, 不過我一路對住地圖, 知道方向正確, 司機冇DOU路.

到逹張生記的時候, 已經八點半有多啦. 地下的小姐叫我地上二樓, 上到二樓, 兩邊都在舉行婚宴, 好嘈. 服務員帶我到酒席旁邊的一張小枱, 但因為勁嘈, 附近又煙霧迷漫, 所以叫佢轉枱. 返到 RECEPTION, 佢竟然帶我地去搭枱, 仲要係搭婚宴酒席的枱, 佢將其中一張枱空出一半嚟比我地………..大陸, 真係乜都夠膽死做得出. (可惜冇帶相機, 如果唔係實影底佢) 最後, 我地堅持要坐樓下, 佢經一輪溝通後終於比我地坐樓下 (後來知道樓下收九點鐘, 所以佢地唔帶客落去).

好, 先點 WINNIE 夢寐以求的張生記招牌老鴨煲. 冇…. 七點鐘已經賣哂 @@. 怱怱食完後, 十點半返到酒店休息

支出:

-           雜物, 啤酒 – $35

-           旅遊車 (雷峰塔至岳王廟) – $20

-           樓外樓午餐 - $72.8

-           購物 – $146.9

-           的士 – 酒店à新開元 – $10

-           的士 – 新開元à張生記 – $12

-           張生記晚飯 - $106 (甜豆 35, 上湯菠菜 15, 蝦汁醉缸 又名醉八仙 18, 黃桃蘆薈 15, 東坡肉 8, 雪花啤酒 12)

-           的士返酒店 – $15